Lesetipsstafetten er i gong!
Bibliotekarar les mykje, og har ei viktig rolle som litteraturformidlarar som skal få fleire til å glede seg over bøker. Vi trur at endå fleire kan ha nytte av biblioteka sin kompetanse – tips til godt lesestoff får vel ingen av oss nok av! Med dette i tankane har Bokdykk sett i gong ein lesetipsstafett der vi utfordrar bibliotek rundt i landet til å kome med sine beste tips til gode lesaropplevingar.
Her vil vi presentere desse biblioteka sine bokfavorittar. Så følg med, her kan det dukke opp mykje spennande som kan hjelpe med utveljing av neste bok!
